Sumarrydding i Unity

For å kunna starta opp hausten med ryddig og fin Unity vil eg ta ei sletterunde i veke 23

Sletting vil skje torsdag 10/6. De må alle sørgja for å gje attendemelding på ting som overhovudet ikkje under noko omstende må slettast. Fristen for dette er onsdag 9/6.

Denne fila, UnityJuni10, er ei liste over prosjekt som har mediefiler liggande på Unity. Alle mediefiler frå prosjekt som står på denne lista vil verta sletta om eg ikkje får attendemelding på mail om at dei ikkje skal slettast(jf fristen 9/6). Eg gjer attendemelding med stadfesting på slike mailar slik at de kan vera viss på at det er notert. 

NB! Prosjekt som ikkje står i lista vil ikkje få sletta mediafiler

 Dette gjeld samtlege, både tilsette og studentar!!!

Det vil og skje ei altomfattande sletting av alle filer og mapper som ligg lagra rundtomkring utanom mediefilene.

NB! Samtlege prosjektfiler i Avid Projects vil verta sletta – men eg tek back-up av heile mappa fyrst, så desse kan hentas fram att på førespurnad.

I tillegg vil all lokalt lagra data i dei ulike produksjonsromma verta sletta, jf. mail frå Sindre. Her sletter me og alt av Avid Mediefiler og alt som ev. ligg lagra under kvar enkelt sin brukarkonto(“My Documents” og “Desktop”, t.d.)

Vårrydding i Unity

Det er veldig fullt på Unity nett no, så det må ei sletterunde til

Sletting vil skje torsdag 22/4. De må alle sørgja for å gje attendemelding på ting som overhovudet ikkje under noko omstende må slettast. Fristen for dette er onsdag 21/4.

Denne fila, UnityApril10, er ei liste over prosjekt som har mediefiler liggande på Unity. Alle mediefiler frå prosjekt som står på denne lista vil verta sletta om eg ikkje får attendemelding på mail om at dei ikkje skal slettast(jf fristen 21/4). Eg gjer attendemelding med stadfesting på slike mailar slik at de kan vera viss på at det er notert. 

NB! Prosjekt som ikkje står i lista vil ikkje få sletta mediafiler

 Dette gjeld samtlege, både tilsette og studentar!!!

I tillegg ynskjer eg å sletta så mykje som mogleg av filer som ligg utanom Avid sine medie-mapper. Liste over alle mapper som er større enn 1 GB finn de her:  UnityApril10mapper Det same gjeld her og: Alle mapper eg ikkje får attendemelding om, vil verta sletta.

Nytt i Patch og Matrise

 

 

 

 

 

 

Eg har no kobla til og sett opp i patch og matrisesystemet eit par nye dingsar:

Streaming-PC

• Inngangane på denne er digitale og de finn dei som “Destination 32″ i videomatrisa og “Destination 6″ i audiomatrisa
• Det er configurert knappar i matrisepanel for styring av kjelde til Streaming på fylgjande stader: AR: monitor/kopi-panel; Regi – KK-panel(video) og Lydposisjon-panel(audio)

A/D-converter og Frame-synchronizer(biletet over)

Frame-synchronizeren sin jobb er å låsa eit signal som ikkje er synkront til systemet(GenLock) slik at det kan brukast i bilétmiks. Typisk bruk er i samband med Link, men den kan og brukast til å synkronisera kjelder som DVD, VHS eller eit eventuelt ekstra kamera. Sidan Frame-synchronizeren er digital må signalet frå ei analog kjelde konverterast, og det er A/D-converteren si oppgåve. Plassering i patch og matrise er som fylgjer:

• A/D-converteren er “Destinasjon 22″ i den analoge videomatrisa. Utgangen går til punkt 11 i det fjerde digitale patchfeltet og vidare derifrå til Frame-synchronizeren sin inngang(Skal ein synkronisera ei digital kjelde må den snorast inn der)
• Frame-synchronizeren sin utgang er “Source 24″ i den digitale videomatrisa
• Det er configurert knappar i matrisepanel for styring av kjelde til A/D-converter og Frame-Synchronizer i AR: monitor/kopi-panel. Frame-synchronizer som kjelde finn ein i AR: monitor/kopi-panel og Bilétmiks-panel

Ekstern kjelde – “EXT.”

Eg har laga faste tilkoblingspunkt på baksida av Rack3 i AR for tilkobling av t.d. Link. Desse punkta finn de under den nedste VB-maskina. Det er to XLR i eit eige panel og BNC-pluggen øvst til høgre i BNC-tilkoblingsfeltet rett under. Plassering i patch og matrise er som fylgjer:

• Videosignalet er “Source 24″ i den analoge videomatrisa medan lyden finnast i analogt patchfelt(litt til høgre for midt på felt nr 2) og må snorast til der ein vil ha han
• Det er configurert knappar i matrisepanel for å bruka “EXT.” som kjelde på fylgjande stader: AR: monitor/kopi-panel; Regi: KK-panel og Lydkontroll: Video-panel(det til høgre)

NB! Sidan Frame-synchronizeren legg inn ei variabel forseinking på mellom 1 og 2 frames må ein sjekka om lyd og bilete er merkbart ute av synk og ev. legga inn ei høveleg forseinking(“Delay”) på lyden i lydmikser

Digital Cut

Erfaring har synt at det er mykje fortviling og desperasjon i høve til det å få til “Digital Cut” på eit anstendig vis. Graden av fortviling og desperasjon er som regel omvend proporsjonal med kor lang tid det er att til den aktuelle innleveringsfristen. 

På bakgrunn av det har eg skreve fylgjande instruksjon: digitalcut.pdf

Eg vil anbefala alle å lesa grundig gjennom dette no med ein gong og så minst ein gong pr. semester, noko som strengt tala gjeld alt eg skriv her!

Korleis stripe eit band i ein SONY DSR1500

 Mange har etterlyst ein skikkeleg bruksanvisning på dette

 Her kjem den endeleg: stripedsr1500.pdf

Tilkobla USB- eller FireWire-diskar som ikkje dukkar opp

 

 Det er mange som opplever at om ein koblar til t.d. USB-disk, minnepinne eller SoundDevices-opptakarane så dukkar dei ikkje opp slik at ein kan henta inn filer derifrå, eller kva ein no ynskjer gjera.

Årsaka er som regel at den tilkobla eininga legg seg som disk “F:”, som allereie er i bruk til Unity…

Eg har laga eit lite dokument som fortel kva de skal gjera for å fiksa problemet. Dette dokumentet finn du her: ProblemetMedUSB(.pdf-dokument)

Nye Avid-versjonar – nytt om prosjekthandsaming

Samtlige Avid Studio-rom er no oppgradert til v5.7 og dei to Media Composer Adrenaline-romma er oppgradert til v2.7.7

Noko som er nytt i høve til dei tidligare versjonane er kvar og korleis de lagrar og finn prosjekta dykkar.

Medan de før automatisk kom til dykkar eiga mappe på “F:\\A_PROSJEKTER\Avid projects” når de starta programmet og valde “Private” vil de i staden koma til  ei “Avid Projects”-mappe i ”My Documents” lokalt på den maskina de jobbar på.

Diverre er det ikkje noko vis å endra dette i oppsettet eller med lure registry-triks, så dette må me berre leva med!

Konsekvensen av dette vert at de må sjølve no ta ansvar for kvar de gjer av prosjekta dykkar og korleis de flyttar prosjekt frå ei maskin til ei anna.

Måtar å gjera dette på:

• Bruk mappe-symbolet til høgre for “Folder”-feltet i “Select Project”-vindauga til å manøvrera dykk til “F:\\A_PROSJEKTER\Avid projects\[brukarnamn]” og jobb derifrå. Desse vil då fungera som “External”-prosjekt(dette er einaste vetuge måten om fleire skal jobba med same prosjekt samstundes)
• Jobb lokalt med “Private”-prosjekt og flytt prosjekt-mappa med dykk på minnepinne om de skal til eit anna rom. Når de skal byta rom kopierer de prosjektmappa frå ”My Documents\Avid Projects” på eine maskina til minnepinne og derifrå inn i “My Documents\Avid Projects” på neste maskin(slett eller byt namn på gamal versjon som eventuelt allereie ligg der fyrst…)
• Jobb lokalt, som i punktet over, men bruk “F:\\A_PROSJEKTER\Avid projects\[brukarnamn]” som mellomlagring ved flytting i staden for minnepinne. Viktig her og å sletta eller byta namn på gamal versjon av prosjektmappa fyrst.

I alle høve er det fortsatt like viktig som før å sjølve sørga for å ha ein back-up!

Det er heller ikkje tilrådeleg å basera seg på å ha prosjekta liggande i “My Documents” og berre jobba på den eine maskina og tru at alt er greitt. Erfaringsmessig kan det oppstå omstende kor det er naudsynt å sletta alle lokale brukardata, inklusive “My Documents”

Nokre av maskinane(rom 15, 17 og 18) har fått nyinstallert WinXP og fylgjeleg må de alle laga nye brukarar for dykk sjølve med å logga inn som “Oppstart” fyrst i desse romma

Anna nytt i Avid-romma

• ProToolsLE er no v7.3
• Avid har no ein eigen “Import P2″ for import av P2-opptak, anten direkte frå kort eller via mellomlagring på harddisk
• Adobe “Design Premium CS3″ er installert med fylgjande komponentar: PhotoShop, Flash Professional og Flash Video Encoder
• Adobe “Encore CS3″ er installert
• Sorenson Squeeze er oppgradert til v4.5

Back-up av Avid-prosjekt

• Start ”My Computer”

• Finn prosjektet ditt, som er ei mappe med same namn som prosjektnamnet. Det skal ligga under F:\\Avid Projects\Ditt namn\… (Om du ikkje finn det der har du lagra det ein annan stad, og då må du leita…)
• Kopier denne mappa til minnepinne e.l.
• Ta den med deg…

 Dette bør du gjera…

• …når du er ferdig med ei økt
• …når du tek lunsj
• …når du føler for det 

Med ein back-up kan prosjektet reddast sjølv om ein skulle oppleva ein alvorleg disk-krasj eller om noko anna utriveleg som sletter prosjektet skulle skje…

Nytt utstyr kjøpt inn i sumar

Eg kan med glede informera om at fylgjande utlånsutstyr er kjøpt inn no i sumar

Dei nye tinga vil vera tilgjengelege i bookinglistene frå og med semesterstart 

2 stk. Panasonic HVX200(“Kamera 11″ og “Kamera 12″). Dei vil vera likt utstyrt som dei 2 andre me har av same type

2 stk. Sanken CSS5, Stereo superkardioide(Må ikkje brukast utomhus når det er fintfolk frå andre land på vitjing…)

 

Eitt sett med AKG C451(kondensator, kardioide), tilpassa par, i koffert med “franskjern”

2 stk. AKG C747(kondensator, super-kardioide)

3 stk. Shure SM57 instrument-mikrofon(dynamisk, kardioide)

Eitt sett med Neumann KM184(kondensator, kardioide), tilpassa par

2 stk., tilpassa til ein annan, DPA 4006(kondensator, kule)

Eit sett med mikrofonar for trommesett. Inneheld 2 stk AKG C451, 4 stk AKG C518 og 1 stk AKG D112 i koffert

10 stk Edirol R-09 Flashminne-opptakarar for lyd. Har innebygde mikrofonar og kan gjera stereo-opptak i mp3 eller Wav-format.

5 stk Nikon D40

Anna nytt

1 stk AKG Perception 400(valgbar karakteristikk) som skal stå fast i radiostudio

2 stk DPA 4066 bøylemikrofonar for bruk i studio

 

Har standarisert med denne type vesker til alle trådlause myggar

  

Ytterlegare 5 stk Nikon D40 som vert tilgjengeleg for booking i samband med undervisningsprosjekt kor det er bruk for fleire kamera

Avviklingsprogramvare, StationPlaylist, for radioromma  

Nye headset til bruk saman med kamera

For å unngå den omfattande slitasjen me har på dei store og dyre headsetta våre har eg kjøpt inn nye, noko mindre og ein god del rimelegare, men ikkje så veldig mykje dårlegare headset: AKG “K26P”.

Idéen er at eit slikt skal ligga fast saman med kvart kamera. Dei vil verta merka med nummer tilsvarande kameranummeret dei høyrer til og skal vera plassert i kameraveska i sin eigen medfylgjande pose.

Dei vil verta plassert saman med kvart sitt kamera etterkvart som dei kjem innom bua ein tur…

Dei nye myggane

No når dei nye DPA/Mipro mygg-setta(nr 13 – 16) er sett i drift tenkte eg det var på sin plass med eit par ord om korleis dei, med alle sine deler, skal vera plassert i dei nye veskene

 

Innhaldet skal vera organisert som fylgjer, jf figuren over:

1. Sendar
2. Mottakar
3. 2 stk kabel, overgang frå mottakar til XLR-han. Ein kort og ein noko lengre
4. Manual bak lomme
5. Lomme med mygg(m/klype), 2 stk antenner(til mottakar), “humle”(pels til mygg), XLR-overgang(for å bruka myggen utan sendar/mottakar)
6. Straumforsyning m/apparatkabel til mottakar, om ein vil spara litt på batteribruken

Eit par ord om bruken:

• Innstilling av frekvens/kanal skjer på mottakaren. Informasjon om kanal overførast infraraudt til sendaren med å trykka knappen “ACT” på mottakaren og så halda den slik at toppen vender mot framsida av sendaren
• Skal ein bruka XLR-overgangen til myggen må ein skru av ein liten overgang som er på enden av mygg-kabelen fyrst. Legg denne rett oppi lomma i veska(ikkje i bukselomma eller på bordet eller kameraveska eller…) slik at den ikkje vert vekke. Sørg for at den vert sett attende på plass før innlevering
• Batteri-lokket på mottakaren er litt vondt å få av. Den enklaste måten er å bruka begge hender og skyva det opp med tomlane på begge sider samstundes

DV-band-åtvaring

Banda av typen dé ser over er involverte i mykje problem

Folk med slike band har opplevd RF-alarm og ubrukelege opptak i fleire kamera, utan at det kan  forklarast med manglande reinsing, og eit slikt band skapte store “machine-control”-problem i høve til ProTools då det ikkje lot seg spela av på vanleg vis.

Kva som er årsaka veit eg ikkje. Problemet har så langt berre synt seg i VB-maskinane og store kamera(500 & 570). Desse kan óg ta store kassettar. Mykje kan tyda på at problemet er mekanisk og relatert til bandføringa. Eg har ikkje fått melding om at det er problem i små kamera.

Eg veit at desse banda er billige og at studentar har dårleg råd, men for dykkar eigen del: Ikkje bruk dei til råopptak i store kamera eller som master-band!

…no vert eg vel saksøkt av SONY…

VJ-kamera

Eg har fått inn diverse reserve/ekstradeler til desse kameraa og alle er no utstyrt med ladar, straum-adapter, 2 stk batteri og A/V-kabel

Keyboard-settingar i Avid

Då dé flyttar dykk mellom ulike Avid-versjonar som har ulike tastatur-utformingar med omsyn på hurtigtastar vil ikkje alltid tastaturoppsettet stemma med kva tastatur dé har foran dykk.

No har eg ordna til to på-førehand-definerte settingar som dé kan legga inn på brukarane dykkar(keyboard-settinga er brukar-relatert). Måten dé gjer dette på er som fylgjer:

• Trykk på Settings-fanen i Prosjektvindauga
• Velg File – Open Settings file
• Navigér til rota på F:\\[AProsjekter] og velg fila Keyboardsettings.avs
• Merk dei to settingane dé då får opp og dra dei over og inn mellom dei andre settingane
• Dé vil få spørsmål om desse nye settingane skal erstatta aktive settingar eller leggast til(“Add” eller “Replace”)…kan gjerne velja “Add”

Resultatet av denne handlinga er at dé har fått knytt til brukarane dykkar settingar som høver til tastatura i Avid Studio eller Avid MC Adrenaline og som dé kan velja mellom på same vis som dé veljer Deck Configuration

Det kjem opp ei obligatorisk informasjons-åtvaring om dé skifter Keyboard-setting, men denne er det berre å svara “OK” på

ProTools, Machine Control og VITC

Det har vore eit slit for mange å jobba med MachineControl i ProTools i det siste.

Fyrst må eg nemna at det er ser ut til å vera ein feil i patchfeltet(i sjølve dingsen) som gjer at me ikkje får TC ut av VB2 der. For å retta på dette må eg plukka det ut og demontera det. Uvisst no kva tid eg får tid til dette…kan vera ein stor jobb…

Så var det det med VITC:

Om ein syrgjer for at det kjem VITC ut av VB’en treng ein ikkje snora inn TC til lydromma(og då gjer ikkje problemet over noko).

For å få VITC på bandet må VITC vera slått på når du speler ut frå Avid. På VB1 er det ein knapp under panelet(til høgre for resten av TC-knappane). På VB2 gjer du dette i meny: “SETUP MENU”->”TIME CODE”->VITC

For å få VITC ut av maskina om det ikkje er VITC på bandet er dette og mogleg: På VB1 kan du sjekka og ev. endra settinga for dette i menyen: ”613 VITC output“(bruk jog/shuttle-hjulet til å rulla opp og ned i lista over settingar og hald inne “SEARCH”-knappen medan du brukar jog/shuttle-hjulet når du skal endra noko). På VB2 finn du dette og under “TIME CODE”-menyen. Vala du kan gjera her er “OFF”, “TC” og “VITC”.

La utstyret få pause…

Maskinane kan godt få kvila seg litt innimellom

Slå av PC-ane(“Shut down”) og skru av utstyrsstraumen når dé er ferdige med ei økt og det ikkje står nokon og trippar utanfor døra og vil inn for å jobba med sitt…

Straumbrytaren i ØU-04 finn dé heilt rundt på baksida av søyla.

Feil ved QT-export

Om dé får feilmeldinga over når dé skal gjera ein “QT-Same-As-Source”-eksport i Avid er årsaka ein inkompatibilitet mellom Avid og QT v.7

Så langt var det rett, men løysinga me i fyrste omgang fann på dette synte seg å skapa problem når QT-fila skulle importerast for bruk i ProTools som ikkje likte stoda med nedgradering til QT v.6.5.2.

Sindre og Hallgeir jobba intenst med saka og kom opp med fylgjande løysing på problemet:

Eksportér med PAL DV på Custom innstillingar

Då vil ein kunna eksportera frå Avid og importera til ProTools, båe delar med QT v.7 installert.

Altså må alle maskinar som har fått QT v.6.5.2 få attende QT v.7. Installasjonsfil for dette finst i ei eiga mappe under “Fellesmateriale” på Unity.

Stativhandsaming

Det er eitpar enkle retningsliner alle må freista å fylgja når det gjeld stativa av typen på biletet over(Stativ 7 – 12)

• Stativplata skal fylgja stativet når det vert innlevert og ikkje henga fast under kamera
• Stativa skal plasserast i bag’en med beina ned slik at ein ser stativhovudet når ein opnar glidelåsen i toppen.(Føtene må “vippast inn”, som synt på biletet under, for å få plass i dei nyaste veskene)

Dette vil gjera det greiare for alle partar

Antivirus på Avid-maskinane

Eg har no installert antivirusprogrammet Nod32 på samtlige Avid-maskinar.

Det vil ikkje få nokre praktiske konsekvenser for brukarane, så dette er meir til info.

Nod32 er rekna som eit av dei beste antivirusprogramma på marknaden.

“LOCK”-knappen

Det ser ut til at funksjonaliteten til “LOCK“-knappen på matrise-panela treng litt grundigare forklaring.

Fyrst to ting som må klårleggast:

• Når “LOCK”-knappen lyser betyr det at den kan brukast, ikkje at noko er låst
• Destinasjonar som er låste vil blinka

Så til funksjonaliteten: 

“LOCK”-knappen vil lysa opp når du trykker på ein destinasjons-knapp(nedre knappe-rad).

Då kan du trykka “LOCK”-knappen for å låsa kjelda som er vald til den aktuelle destinasjonen, eller for å fjerna eksisterande låsing.

Lyset i “LOCK”-knappen vert vekke når du trykker ein kjelde-knapp(øvre knapppe-rad)

På MasterControlPanel i Apparatrom vil låsing syna som eit hengelås-symbol i displayet

I praksis:

Du må alltid trykke på ein destinasjons-knapp før du kan bruka “LOCK”-knappen for å skru på eller av låsing av den.